林夏薇靠「塞耳仔」入戲

藝人林夏薇近年為調理身體刻意減產，直至早前小休過後，重返幕前投入無綫劇集《七公主》拍攝，雖然角色情緒起伏大，但演出經驗豐富的薇薇亦應付自如，未見生疏，而她平日定必隨身帶住耳機，於埋位前靠聽歌「與世隔絕」，她說：「通常未到我埋位時，我會匿埋一邊，因為塑造角色係需要沉澱喺自己世界入面，畀自己靜一靜，如果唔係沉重戲份，聽歌有另一個功能，就係放鬆心情，好似我拍《七》劇時，角色情緒高低起伏得好緊要，所以好多時盡量自己行埋一邊，咁樣可以快速進入角色，有時周圍環境嘈，其他人又喺度玩，我就會塞住耳仔，聽一聽歌，否則好易出戲，So Far咁多年嚟我都有呢個習慣，都幾成功。」