俗語有話：「一白遮三醜！」假如本身已經係有樣有身材嘅靚女，再配上一身嫩白肌膚，豈不是如虎添翼！無錯，今日為大家介紹嘅日比美思，就係典型嘅美白女神，細細個已經備受賞識，拍過無數靚相，仲因為咁而有機會實現夢想呢！
喺日本寫真界有好多女優都以肌膚雪白而走紅，好似坂口風詩、Meiri同埋華村飛鳥，當然唔少得年方二十有一嘅日比美思啦！呢位童星出身嘅靚女，樣子清純，予人青春又清新嘅感覺，認真夠晒仙氣。講到身材，阿妹更加係冇得輸，一嚟生得夠高，二嚟有前有後，好有曲線美，特別係胸前一對F Cup美乳，猶如鮮嫩嘅蜜桃，令人流晒口水。最不得了嘅係，阿妹嘅肌膚係典型嘅白裏透紅，甚至被形容為擁有「壓倒性之透明感」，吸引力絕對拍得住當紅寫真妹馬場富美香。
美思早喺11年前已涉足藝能圈，當時佢參與一個童星選拔活動，之後加入童星組合「Dream5」。當年呢隊組合嘅成績都幾勁吓，曾參與日本藝能圈年度盛事「NHK紅白歌合戰」，又曾為人氣動畫《妖怪手錶》主唱歌曲而紅極一時。近年美思嘅發展範疇愈嚟愈廣，早排就以女演員身份參演歌手野田愛實新曲《そうでしょ -Girl Side-》嘅MV，最近仲為咗實現開辦個人寫真展嘅夢想而積極籌備各項細節，當中有其他攝影師拍攝嘅作品，亦有佢自己親自操刀嘅相片。想睇吓呢位靚女嘅攝影才華，就要密切留意喇！
年紀輕輕嘅日比美思，可謂多才多藝，不時透過社交網分享自己嘅工作動態與生活點滴，想知道佢近期忙緊啲乜，就要多啲Click入去睇吓。
網址：https://twitter.com/mikoto__hibi?lang=ja
年齡：21歲
身高：5呎6吋
三圍：34-24-35
撰文：賢