陳柏宇嘲老婆地獄廚神

歌手陳柏宇與黃妍昨日為電台舉辦的《識煮識食．明火KOL》拍攝宣傳片，已為人父的柏宇透露平日甚少下廚，但會自己煮早餐，又爆太太曾經是地獄廚神，因不肯依網上食譜煮食，但往往效果不似預期：「佢硬係唔肯跟足，失敗咗都係話下次用第二啲材料，但我唔會照啃啲食物，吓吓咁點啃先？不過依家佢廚藝有進步。（你哋會唔會為個女下廚？）有『姐姐』煮嘛！（你負責搵錢？）咁太太都搵到，只係佢搵嘅係佢自己使啫！」而黃妍則透露疫情緩和現回歸工作，預計年底推出新歌。