林利太太捲爭產糾紛

藝人林利的台灣太太Erin在社交網指父親逝世後,發現父親廿多個銀行戶口合共只剩約260港元,而保險受益人只得兩個家姐,她感到疑惑,不相信父親如此狠心,並指家姐曾叫她一齊「拋棄繼承」,懷疑被騙;林利留言力撐太太:「人在做天在看!」

昨日林利受訪時否認太太想爭產,她不開心是因為有人居心叵測:「外父係一間建築公司嘅高層,有權有勢有錢有樓,Erin同兩個家姐係同父異母,外父同Erin媽咪亦離咗婚。我唔知外父有幾多錢,但如果老婆應得嘅,應該攞番自己嗰份。」他稱外父沒有立遺囑,3個女都是法定繼承人:「佢爹哋個老朋友提點過我老婆要提防,但我老婆冇理,其實可以去戶政事務所查。老婆最心噏係兩個家姐都係佢媽咪養大,到咗咁嘅環境為呢啲去爭,好難過。」