早前油麻地有一對姊妹為千多元債務發生爭執，揮刀互片！其實兄弟姊妹嗌交一定有，莊思敏分享與妹妹莊思明的鬧交經歷，她笑言：「好少有大爭執，都係為啲無謂嘢。有次印象好深刻，我借咗思明件衫，但自己衰，唔記得同佢講，佢以為唔見咗件衫，後來發現喺我度，佢就發脾氣，跟住將呢件事寫上網，類似寫不問自取是為賊也。其實我冇睇到呢個貼文，係有其他朋友睇到問我『係咪講緊你呀』，不過佢好快刪咗，但我覺得件事係幾好笑。」
至於周志文表示：「我同細佬周志康好少鬧交，細個屋企人買嘢畀我哋，都係會一Pair咁買。不過鞋就會買唔同顏色，我哋會用一個好和平嘅方式解決，就係猜包剪揼。」