講道理求開心 陳美濤唔恨亞姐后冠？

陳美濤好有個人想法，最鍾意講道理！

19位佳麗中，有5位是港姐「棄將」，包括吳燚曦、彭紫荊、蔡小蝶、陳美濤及張凱琳。陳美濤學歷最高，是香港大學中國歷史系畢業，更是一名小說作家。問到由港姐轉戰亞姐，選美是否其夢想？她即化身「道理王」：「呢個有前後關係，但係冇因果關係。選美係由細到大嘅夢想，夢想係需要一時衝動，睇到廣告就嚟參加。（有信心攞獎？）嚟得選美就想有三甲，但係『夢想』呢個字係有超越能力範圍嘅意思，我最想攞季軍，睇過研究話攞季軍係開心過冠軍。（講嘢減少啲道理？）呢個可能係我嘅缺點，我講嘢比較長，要改善。」

高文君妝前妝後兩個樣

候選佳麗中以何雙妍及高文君最省鏡，22歲、來自安徽的高文君正在港大修讀土木工程雙學士學位，不太懂廣東話的她笑說：「喺香港讀書四年，我識聽，會講少少，會努力學。（喺學校多人追？）也沒有，因為化妝前後差別很大，所以不擔心同學認得我來參選。」而何雙妍曾參演電影及劇集，透露為選亞姐而推掉兩項工作，包括近萬元酬勞的廣告工作。

一眾候選佳麗會見傳媒。

高文君（左）及何雙妍身材勻稱，笑容甜美。

馮熙淳捲土重來

至於馮熙淳已是第二次參選，她曾贏得「2019亞洲太平洋國際小姐（香港區）」冠軍，惟去年因捲入合約風波而退選，她說：「今次搞清楚晒，依家冇任何合約喺身！」而練樂儀身形嬌小，屬微胖型，是第一屆「亞洲美人魚小姐大賽」三料冠軍，現職護士的她用業餘時間參選，稱與工作沒衝突。任職空中服務員的楊錦嫦直言受疫情影響航班大減，笑言若成功入圍取得一萬元獎金，會是額外獎勵。