喺唔少人眼中混血兒通常都係型男索女，只係喺外國人眼中又係咪咁呢？其他人就唔知，但混血脫星Maddy O'Reilly就一定係，佢憑住獨特魅力，不但深受四仔迷歡迎，仲做埋四仔導演絕對係人氣超勁！
喺美國出生嘅Maddy O'Reilly，擁有德國同愛爾蘭嘅血統，氣質獨特，五官標致迷人。雖然佢嘅身材唔算激凸，但勝在有一對修長美腿及渾圓美股，夠晒煞食，絕對係天生做脫星嘅材料！不過初出道時，曾經受到屋企人強烈反對，佢表示家人相當保守，而且管教甚嚴，加上佢自細學跳舞，父母希望佢將來能夠成為一位舞蹈家，可惜佢始終唔係跳舞嘅材料，高中畢業後便任職汽車銷售員，因此對汽車有深入認識。正當大家以為佢會喺汽車業發展之際，佢就覺得自己生活太枯燥，加上性慾覺醒，於是便萌生投身脫星行列嘅念頭，更鼓起勇氣同家人商討，最終得到父母嘅支持，結果喺2011年8月出道為成人網站演出四仔短片。
憑住迷人嘅外形，好快就獲得著名四仔片廠Digital Sin嘅垂青，演出《My Little Panties #3》，之後四仔名廠Wicked Pictures又邀請佢演出《Dare or Bare》，跟住仲有Immoral Productions、Twisty等大型四仔廠亦紛紛向佢招手，片約不斷，極速爆紅！喺2012年舉辦嘅NightMoves及RogReviews Critic's Choice兩個頒獎禮獲提名「最佳新進脫星」，雖然最終失落獎項，但仍然令佢充滿信心，並且更加努力鑽研床技，尤其係騎乘同吹奏功夫最精彩，結果喺2013年嘅AVN頒獎禮奪得「最佳個人演出獎」，又喺NightMoves頒獎禮獲四仔迷票選成為「最性感美股脫星」，2015年更喺XBIZ頒獎禮榮獲「最佳脫星」，證明佢嘅努力並冇白費。
攀上事業高峰後，Maddy O'Reilly就嘗試做導演嘅滋味，2014年6月自導自演《Maddy O'Reilly's Submission》，呢套以愉虐為主題嘅作品，不但獲得極佳好評，更喺2015年嘅XBIZ頒獎禮奪得「最佳愉虐作品」及「最令人興奮性愛場面」兩個獎項。問佢鍾意做脫星定導演多啲，佢就話兩樣都能夠帶畀佢滿足感。
貴為四仔天后級脫星嘅Maddy O'Reilly，又係四仔導演，喺社交網除咗分享新作同福利相外，亦會Po佢兩隻愛犬嘅照片，唔少四仔迷都大讚佢有愛心，勁派Like呀！
網址：https://twitter.com/maddyoreillyxxx
出生日期：1990年5月3日
身高：170cm
三圍：34C-24-35
撰文：魂