河國榮疫市開工好感恩

藝人河國榮昨日為智能門鎖產品擔任大使，帶挈新居入伙的契女雷深如（J.Arie）獲贈智能門鎖，令她興奮不已！對於疫情下有工作，河國榮表示非常感恩，並很滿意酬金：「都停工半年，本來要去內地拍劇，但所有工作押後。」又指會多陪伴家中患骨癌的愛犬。

至於J.Arie早前為TVB娛樂新聞台節目《StarTalk》擔任嘉賓，透露新歌《雙面哈菲》是受林家棟激發而創作：「7年前拍過佢監製嘅電影後，每次出歌都會畀佢聽，佢話我扮晒嘢，話啲歌唔係真實嘅我！」去年她開始寫日記，驚覺自己有兩面：「有啲精神病！（寫咗咩？）我寫過一句：『我好願意成為Playboy嘅獵物！』係咪好黐線呢！」