連詩雅願情侶檔拍戲剝衫No Way！
連詩雅（Shiga）為閨蜜陳自瑤（YoYo）親手炮製「繽FUN芝士蛋糕」預祝生日，兩女又攬又錫又多密偈傾，但提起Shiga的緋聞男友陳家樂時，前者標汗後者語塞，齊齊像被擊中要害！為救扮「無知」的YoYo，Shiga惟有自爆不抗拒與家樂「做」情侶！
Shiga、YoYo與黃翠如因劇集《那些我愛過的人》而成為手帕交，日前為幫本月27號生日的YoYo預祝，Shiga扮相約整蛋糕，實情是給她驚喜！當收到蛋糕及鮮花時，YoYo感動大叫兼送吻，二人表示雖然性格迥異，但緣分令她們走在一起：「我哋好似初戀咁Sweet。」問是否親近到零秘密，她們說：「開心唔開心都會Share囉！不過係秘密嘅，就唔會講出嚟。」
YoYo被問到可戥Shiga與陳家樂拍拖開心，本來滔滔不絕的她突然「跳掣」，十問九唔知，連是否認識家樂都一味說：「吓……唔知喎！（想Shiga有人錫？）吓……梗係想啦！我都想有人錫。（有冇留意佢哋啲新聞？）吓……依家擺我上枱喎！（Shiga揀男友，唔使過朋友關？）除非嗰啲係壞人啦！但佢冇遇到壞人。」又望向猛標汗的Shiga「求救」：「我乜都唔知呀！係咪呀Baby！」場面搞笑。
自薦姊妹檔拍劇
堅持低調感情事的Shiga，不忍好友被「逼供」，終於出口打救，揚言會好好把握每個機會，故不抗拒與陳家樂合作，問到在戲中做情侶又如何？她說：「同任何人都唔抗拒，但要睇工作性質，唔着衫就唔得。」不過，她揚言最想與兩位好姊妹拍劇，已向無綫自薦，更幻想齊齊拍旅遊節目：「翠如係旅遊達人，好想去土耳其，其實之前想一齊出Trip，但受疫情影響去唔到。」