嘆法國治安差 黃祥興遭刀手搶車
藝人黃祥興與黃婉曼昨午現身電視城，出席myTV SUPER全新節目《搬家》記者會。該節目探討移民資訊，曾在法國生活20年的祥興說：「其實當地治安差少少，我記得10歲左右，試過畀人出刀仔明搶單車，之後我就開始練大隻，唔打得都嚇得吖嘛！」由於擔心家人安全，他選擇舉家回流返港，問會否考慮移民其他地方，他說：「或者會送小朋友去加拿大讀書，但要讀完小學先，我想佢哋打好中文同廣東話嘅根基。」
至於黃婉曼則透露近日忙搬家：「小朋友畀疫情困咗大半年，搬去新界啲嘅地方，人少啲環境好啲，等佢哋有空間走動。我仲犧牲咗自己個衣帽間，改建成Playroom，等佢哋玩得開心啲！」