蔡小蝶盧淑儀港姐「棄將」翻生戰亞姐

蔡小蝶樣貌標致，不時在社交網晒靚相。

《2020年亞洲小姐競選》12位佳麗昨日在亞視大埔總台面試，另有一位因事缺席，亞視執行董事陳偉傑透露，今次亞姐分為4個賽區，包括香港、大灣區、海外及網上，香港賽區定於10月10日舉行，而總決賽則在12月13日舉行。面試佳麗質素參差，其中三位曾參選應屆港姐，包括吳燚曦、盧淑儀及蔡小蝶，加上報稱「藝人」的何雙妍，均屬較高質素，而本身是模特兒的馬嘉韻也具知名度。

現年25歲、就讀公開大學的盧淑儀坦言，港姐只入圍了第一輪面試便遭淘汰，問到參選亞姐會否較有信心，她說：「其實兩個比賽都有信心，都係一個嘗試，提升信心同口才。」她有豐富的歌唱比賽經驗，曾參加內地的《中國新歌聲》及《粵語好聲音》，贏得廣東省獎項。

熱衷參加歌唱比賽的盧淑儀，曾與鄭俊弘合照。	馬嘉韻曾以o靚模身份出寫真，尺度大膽。	12位面試亞姐燕瘦環肥，甚有娛樂性。

「寫真模」馬嘉韻曾自殺

至於23歲、任職模特兒的蔡小蝶，入圍港姐第二輪面試後退選，她笑說：「希望今次可以留耐少少。」問到退賽原因，她解釋：「因為港姐合約局限比較大，如果入圍第二輪要簽半年，入圍十強要簽5年。（亞姐合約係點？）未知，因為未傾。（如果同港姐差唔多，你又退選？）再睇情況。」

至於馬嘉韻做過2014年無綫世界盃女郎，曾加入(口靚)模組合「Super Sexy Hero」出寫真，又為宣傳電影而在旺角體驗坐監，更試過因裸照流出而割腕自殺，新聞多多！而何雙妍貌似蒙嘉慧，現年22歲的她曾拍攝電影《墮落花》、《斷網》及ViuTV劇集《黑市》等，她自認中六畢業，因學歷不高及背景問題，故未有參選港姐。