英國前球星碧咸（David Beckham）最近受美國「籃球之神」米高佐敦（Michael Jordan）的傳記紀錄片《The Last Dance》啟發，與Netflix及Amazon等洽談製作自己的紀錄片，其自家電視製作公司已着手籌備，知情者說：「呢樣係碧咸好有興趣同一直想做嘅事，當中會收錄新片段同舊片段，係關於碧咸離開球壇之後嘅生活，尤其係成立邁阿密新球隊，亦都有啲私生活。好多人想睇佢同家人嘅生活，大家對套片都好期望！」
至於碧咸大仔布魯克林（Brooklyn）則繼續放閃，剛與他訂婚的美國富家女影星妮歌娜佩絲（Nicola Peltz），上載身穿喱士吊帶睡衣的家居照，大讚讀過攝影的布魯克林影得靚：「我未婚夫真係好有才華！」布魯克林亦冧豬回應：「我好愛你呀甜心。」