江美儀及蕭秀香（三姐）接受TVB娛樂新聞台節目《StarTalk》訪問，大談拍攝煮食節目的感受，江美儀說：「今次為咗個節目，壓力好大，試過瞓瞓吓扎醒，諗好多煮嘢食嘅嘢，一諗通咗即刻瞓得着。」
三姐則談到以前跟爸爸學廚的往事：「我對爸爸有個承諾，佢話如果我學唔到佢嘅嘢，就唔需要我同佢上山，呢件事我一直放上心，之後努力練習，仲膽粗粗去咗參加比賽，最終一年裏面我攞到兩個獎，終於有啲交代，話畀爸爸聽我得咗啦！」
