閉關唔偷懶 何雁詩14日速成腹肌

受疫情影響，全港健身室關閉，外出跑步亦要戴口罩，不過一眾藝人當然不會就此放棄Keep Fit！許家傑及謝芷倫留在家做運動，何雁詩更積極練腹肌：「喺網上搵到個兩星期挑戰，可以減肥兼有八舊腹肌，依家去到第8日，希望第14日有效果！我日日跟住做，仲特登買咗部跑步機，依家開始有啲現肌。」忙拍劇的高海寧亦每日抽時間伸展筋骨：「盡量瞓覺前做啲拉筋運動，因為日日開工好辛苦，膊頭同腳都硬晒，同埋對腳浸熱水。」
健身室冇開？何雁詩一於上網自學操肌。
健身室冇開？何雁詩一於上網自學操肌。

至於黃榕則做足防疫措施，照樣出門做運動：「我帶埋狗狗去屋企樓下嘅公園跑步，做啲簡單運動，會帶齊口罩、消毒酒精同埋濕紙巾，幫狗狗清潔手腳。」

高海寧日日開工，會趁睡前鬆一鬆。
  • 高海寧日日開工，會趁睡前鬆一鬆。
黃榕去公園放狗兼做運動。
  • 黃榕去公園放狗兼做運動。