美國男星尊尼特普（Johnny Depp）控告《英國太陽報》誹謗他打老婆一案迎來尾聲，前妻安芭赫德（Amber Heard）步出倫敦法庭時，群眾大喝倒采並大叫「還尊尼清白」！安芭在庭外舉行記者會，哽咽說：「2016年申請咗禁制令同完成離婚後，我只想繼續人生。呢單案唔係我入稟，雖然佢重要，但我寧願唔喺法庭處理。要我重新諗起點樣分手係非常痛苦，又被人質疑我所有動機同真相，而我人生中同尊尼最創傷性同私密嘅時刻，都被公諸於世。」她指審訊浪費納稅人金錢，強調官司並非由她發起，認為應將資源用在因疫情而延期的更重要案件。