美國天后麥當娜（Madonna）在網上分享一段陰謀論短片，一名神怪「醫生」指新冠肺炎已經有得醫，又指戴口罩沒有用，娜姐留言讚該名「醫生」是英雄，結果被社交網站遮帖！
今年61歲的娜姐已就新冠肺炎多次發表出位言論，如指疫情是「偉大的平衡器」，因無分身份、財富、地位都一樣會中招，又自稱已擁有抗體，但都不及今次離譜！她在社交網分享一段網上熱傳的短片，當中一位「醫生」Stella Immanuel演講，聲稱口罩與隔離對防範新冠肺炎沒有幫助，又聲稱藥物羥氯喹可以治療新冠肺炎，但該說法已被眾多醫學權威駁斥。
娜姐留言力撐Stella：「真相會令我哋所有人自由！但有啲人唔想聽到真相，尤其係有權力嘅人士，借助搞咁耐研發疫苗去搵錢，其實疫苗一早被證實有咗幾個月。佢哋寧可被恐懼控制自己，等有錢人愈有錢，窮人愈窮，病人愈病。呢個女人係我英雄，多謝你Stella Immanuel。」Stella過往發表過不少離譜的醫學見解，包括認為子宮內膜異位症是由與惡魔夢中性交所引致。
而社交網站因娜姐上載不實言論，將其短片遮蓋並加上警告，該片段本來被刪除，但幾個鐘後又重新上載。
娜姐今次與她最討厭的美國總統特朗普（Donald Trump）同一陣線，因特朗普亦轉載過同一短片，認為Stella說得有道理，可謂非常諷刺。不少網民對娜姐表示失望，有人更叫她「醒吓」：「麥當娜！！！又嚟？！呢個係錯誤資訊。你有影響力，但你喺度散播不實消息同黃綠醫生嘅嘢。學吓嘢啦！或者，好似你所講，醒吓啦！！！」
此外，娜姐又在社交網透露2月整傷腳後，雖然早前已接受手術，但仍未痊愈，要用拐杖行路。她又上載一段跳舞與溜冰短片，表示很懷念當跳舞皇后。