藝人喬寶寶今年3月移居蘇格蘭跟家人團聚，「退休」短短5個多月的他戲癮發作，決定回港拍電影《時代》。他回港需隔離14日，一度為居所煩惱：「英國疫情嚴峻，今次返嚟好多親戚唔敢收留我，好彩最後有個堂細佬獨居，畀我住。」
雖然獲收留，但喬寶寶坦言對方很驚青：「佢畀晒成個廳我，好多時匿入房，就算同我傾偈、買飯畀我食，都會保持一段幾遠嘅距離。」他又慨嘆不少朋友知他回港都「扮唔知」，但他沒有失望，明白各人的擔憂。
