彭秀慧「煮」持公道衛詩雅地獄折返

由彭秀慧主持的全新女性資訊節目《自煮女人最漂亮》將於8月1日起，逢星期六晚上10時於免費電視77台香港開電視播映。Kearen邀請了多名圈中好友擔任嘉賓，包括周秀娜、鄭欣宜、衛詩雅、周家怡、李幸倪、林二汶、廖子妤、余香凝、鍾舒漫等，陣容強勁。Kearen會與嘉賓會齊齊下廚炮製健康美食，並從醫學角度講解不同食材的療效，分享保持青春及強健體魄的秘訣。

最期待煮花膠

Kearen雖不抗拒入廚房，但平時甚少下廚，她笑言：「搵我做呢個節目好啱，因為證明只要肯，就一定煮到，我都得，就個個都得。（煮邊道菜最難忘？）我學識將雞去骨，好有成功感。另外我本身好鍾意食花膠，所以整個節目我最期待係煮花膠。」

周秀娜	彭秀慧、鍾舒漫	鄭欣宜擔任嘉賓，食吓傾吓一樂也。

繼多年前主持過旅遊節目後，今次是Kearen第二次擔任主持，她給自己60分，並自爆首天拍攝一直處於迷糊狀態：「比我想像中複雜，因為冇特定講稿，一邊同嘉賓傾偈，一邊要記住煮食步驟，同時兼顧好多嘢，真係好忙。現場有廚師睇住我，相信佢見我煮嘢食都抹一把汗。」

李幸倪見牙唔見眼，看來的確笑點甚低。	林二汶（左）唔只玩音樂得，講飲講食一樣頭頭是道。	周家怡與彭秀慧合作煎蛋餅，終於大功告成。

李幸倪笑點低

今次嘉賓均由Kearen建議邀請，除衛詩雅之外，其餘都曾合作過，她說：「我識咗詩雅好耐，之前大家有共同朋友，依家又係同公司。（佢係出名『地獄廚神』喎！）可能之前係節目效果啦！我同佢合作煮嘢食冇問題，大家相當愉快，冇事發生，不過我哋煮嘅菜式都比較簡單。」至於李幸倪是Kearen的學生，兩人曾共度一段青葱歲月：「佢個人比較文靜，我私下同佢傾偈完全冇問題，但有擔心做節目會唔會好靜，但竟然係超爆笑，因為佢笑點好低。」

余香凝年紀細細養生有計

節目除了講食，還注重養生之道，Kearen稱嘉賓中以廖子妤及余香凝較為年輕，卻想不到兩人非常注重養生：「佢哋喺飲食方面好嚴謹，我都未開始，佢哋已經話要飲暖嘢，戒凍飲。」而另一嘉賓周家怡亦很重視健康，近年改以素食為主：「佢同我好似，大家好少煮嘢食，我哋一齊煎蛋餅，呢個係有啲技巧，最後一次就成功將蛋餅反轉。」Kearen坦言到了一定年紀，身體或多或少也會有點毛病，故每款食療對她來說也很適合。