繽FUN Live：古巨基今晚出關乜都傾
「古巨基繽FUN Live」今晚隆重登場喇！全城追捧的「繽FUN星網」再有新搞作，請來「情歌王」古巨基開Live，今次是他升呢爸爸後首次接受傳媒的獨家直播訪問。
作為新手爸爸的基仔，首要任務是照顧好囝囝Kuson，加上第三波疫情爆發，向來是Gag王的他為了囝囝健康，即時由古巨基變「古巨匿」，日日宅在家中避疫，誇張到已經超過180日沒有出過家門。
各位粉絲半年沒有見過偶像，究竟頭髮有沒有剪過？掛住湊仔放棄打機？頂眼瞓拮大髀？既然大家都想問「巨匿」呢180日做過乜，記住今晚9點半，睇實東網APP「繽FUN Live」，繽FUN主播俞詠文同陳振安Chok爆古巨基，齊齊玩遊戲，勿失「巨基」！