一蚊Joe無語問蒼天同猴子爭食
新冠肺炎疫情嚴峻，昨日開始食肆全日禁堂食，無綫主持游莨維（一蚊Joe）落區直擊地盤工人在暴雨中瑟縮街邊食飯盒，場面淒涼，他自己也走到郊野公園，在群猴虎視眈眈之下進食。不過，買外賣除了擔心無處容身外，也有中伏之憂，江伊晴便曾試過叫了凍檸水，到手上卻變了一杯清水。
無綫節目《東張西望》主持一蚊Joe昨日採訪地盤工人如何解決午餐問題，又到了金山郊野公園開餐，烈日當空卻又偶有暴雨的情況下，見他上載了拿着飯盒站在路上開餐的照片，表情無奈，他留言：「禁堂食第一日，外景放飯，梗係喺郊野公園同馬騮山啲馬騮食啦，外賣是無味，外賣是有陣汗味。」之後又言：「我去採訪地盤工人食飯，見到個天落住雨，真係五個字『無語問蒼天』，點解佢哋食餐飯都要落雨，佢哋真係慘。」
江伊晴外賣奇遇記
在家叫外賣，雖免日曬雨淋之苦，但也未必得享一頓安樂茶飯。江伊晴就試過點了杯凍檸水少甜，來的卻不止走甜，還走了檸檬，即是清水一杯；至於星洲炒米要求加辣，就只是將三條指天椒原汁原味的放在飯盒上面，也不知好嬲還是好笑。
前港姐林凱恩也有類似經歷：「我order番茄牛腩湯麵，打開碗麵淨係見到番茄同埋湯底，但牛腩同埋麵就搵極都搵唔到，以為佢分開上，點知摷極都冇，最後惟有打去舖頭問清楚，對方竟然同我講係關送貨嗰個人事，唔關佢哋事，最終惟有死死地氣自己煮麵食，激死我。」
莊思敏嘆頻被甩底
而莊思敏亦認為近期外賣的水準認真麻麻：「近期叫外賣嘅Apps出現唔少問題，除咗遲到仲經常甩底，試過一晚連畀兩間公司甩底，有時食物、飲品嚟到都倒瀉咗一半，但係畀咗錢，只能夠接受。」