天使Vs魔鬼 余香凝吳嘉熙鬥「辣」
藝人余香凝（Jennifer）與吳嘉熙（Cheronna）合作推出新歌《天地分裂》，之前更特地親手調製代表「天使」與「魔鬼」的酒。兩位調酒新手笑料百出，其中Cheronna搖完酒後竟開不到搖酒杯，結果兩人輪流使出「大聖劈掛」，擾攘一輪才成功把搖酒杯打開。
代表「天使」的Jennifer笑言性格與這杯酒非常相似︰「呢杯酒係用冬蔭功、vodka溝出嚟，睇落好清，但原來好辣，我外表睇落好似好乖，其實內裏好『啃』，我嘅性格都唔嘢小。」而代表「魔鬼」的Cheronna則說︰「酒睇落好濁，好似好難入口，但飲落去係略帶甜味，我表面（膚色）同呢杯酒顏色差唔多，但我一定唔係甜，我覺得我『啃』嘅程度比『天使』呢杯酒更辣。」
