寫真「獸」色可餐 宣娜騷股冧粉絲

人氣主播宣娜第二年出寫真集，今次演繹20款造型，包括學生妹、女僕、獨角獸及多款動物如乳牛等，她笑言做過調查，知道粉絲最想睇其靚股，故會有褲仔穿窿的造型，問到可會大膽全裸上陣？她說：「粉絲唔准我影，佢哋話做佢老婆先得，唔想我畀人睇蝕。」畢業於創意媒體學系的她，網上直播平台坐擁40多萬粉絲，被喻為眾人女友，她說：「好多覺得我可愛、有女友Feel，有啲會開口叫我做佢女友，日日表白！有啲仲每日傳幾百字話好鍾意我，有啲叫我做老婆。」自認拍過兩次拖的宣娜透露現時單身，坦承現有十多個追求者，擇偶條件「唔使高、唔使靚仔、唔使有錢」。