陳展鵬代老婆孭鑊：係我教得唔好！

更多新聞短片

陳展鵬代解畫，指事件沒有影響太太與陳凱琳的姊妹情。

陳展鵬、陳山聰與唐詩詠昨日為無綫劇集《超能使者》拍攝外景，展鵬被問到太太單文柔快過陳凱琳於社交網揭曉對方腹中BB性別一事，他坦言老婆有唔開心：「不過其實已經知會咗Grace（陳凱琳），佢話係可以公開嘅，連Hashtag都畀埋我哋。Grace接到記者電話查詢後，都有打畀我太太溝通，完全冇影響到佢哋嘅姊妹情。」他又指明白「行規」，上載照片前要先讓其他合照者「過目」，相信今次是小事一樁，展鵬更Man爆攬責上身：「我同我太太講，如果真係錯就要認，誤會就要解釋！有咩事我孭晒，佢係我老婆，係我教得唔好！」

提到女兒，展鵬透露開始為「小豬比」揀學校，現時因疫情關係，未有讓她上Playgroup，又指拍檔山聰一索得男，準備大利是給BB。

單文柔搶先公開BB的性別，留言向陳凱琳耍冧。	陳展鵬開工係咁畀唐詩詠打，奶粉錢唔易賺！	陳山聰升呢老竇，期待一家人外遊享天倫。

陳山聰避搞百日宴

至於剛剛榮升人父的山聰，人逢喜事精神爽，透露兒子Jaco擇日於7月1日剖腹出世。問會否舉行百日宴，他坦言：「因為疫情應該唔會，但BB滿百日嘅時候好接近我生日，會一家人食餐飯、切蛋糕，簡簡單單慶祝吓。」談到BB出世時，山聰打趣指剪臍帶感覺似「剪粉腸」，期待日後一家三口去日本或泰國旅行。