陳睿雯轉戰商界掘金 水着告別幕前

小睿身材愈來愈Fit，可惜今次水着寫真已是告別作。

現年27歲、在無綫《娛樂新聞台》擔任主播的陳睿雯（小睿）發展不俗，但大學主修市場學的她志不在此，希望轉戰商界做女強人。經過3個月的考慮，加上前男友的建議，她決定棄演從商。小睿憑33C咪咪和43吋長腿演出旅遊節目攻陷宅男，臨別依依，她以性感三點式泳裝寫真慰藉一班粉絲作告別，並笑言疫情期間狂做運動成果更明顯，身形比參選港姐時更Fit！

唔排除翻撻「富男友」

向來處事「快、狠、準」的小睿，坦言離開無綫的決定相當艱難，因為她喜歡演藝事業，所以大感不捨：「疫情期間我多咗時間沉思，當然前男友都畀咗我好大啟發。佢睇好多經濟學嘅書，覺得我喺呢行係浪費咗，倒不如將精力放喺唔需要靠運氣嘅工作上，咁樣比較實際，我覺得佢講得好有道理。（翻撻舊愛？）目前我仲係單身，大家存在發展空間嘅。（擇偶有咩條件？）唔使有錢，但要聰明，因為要教到我嘢，呢個先係財富。」

主修市場學的小睿決定跳出娛樂圈，食腦搵銀。

小睿（右二）參選港姐入行，同屆有劉穎鏇、張寶兒、馮盈盈及單文柔等。

父母催婚恨抱孫

小睿在無綫發展3年，由生硬面對鏡頭變得活潑開朗，而且充滿成功感，不過是獨生女的她想滿足父母的期望：「佢哋好想我快啲結婚生仔，亦想我做事見到成果。我唔想有負佢哋嘅期望，影藝唔得咪轉出去做Marketing囉！」原來小睿父母亦曾染指影視行業，當初她更是在媽媽慫恿下參選港姐，小睿有感而發：「我好錫父母，既然佢哋對我有期望，我都想做啲成績出嚟。演藝夢未必破滅，他朝有機會再食回頭草都得啫！我豐富咗人生經驗，對演出可能更有利！」