- on.cc 東網主頁
- 3月18日 (二)
36E無綫「咪神」陳婉衡（Alycia）昨日披上嫁衣出席活動，婚紗Deep V設計大晒吸睛上圍。她笑言不是首次着婚紗，但仍然愛着：「着嘅次數兩隻手都數得晒，每次接婚紗騷都好開心。」問到日後結婚的婚紗款式都會行性感路線？她指會盡量簡單。笑問是否怕驕人身材嚇親長輩？她大笑說：「又唔係，因為平時做嘢成日都性感。（未來老公可能想你騷多啲呢？）唔會啦！大部分男仔都唔鍾意另一半太性感。」
問到現時可有拍拖？Alycia即時冧樣盡現，晒腰果眼自爆新戀情剛萌芽數月，男友王先生是圈外人，從事金融行業：「佢係我啲客，健身學生。（操咩操到一齊？）哈哈！大家都鍾意做運動，有共同興趣，自己都偏向鍾意運動型嘅男仔。」問到互操是拍拖節目？她怕醜笑說：「有時佢有佢操，我有我操，又會一齊操嘅，問到我面都紅晒。（咁咪好Fit？）拍拖初期太開心都有肥咗，依家就要做多啲運動。」
Alycia又謂男友有少少介意她狂Post火辣性感相，揚言之後或會減少派福利：「去沙灘着泳衣就少影啲、少Post啲，唔會咁刻意，但如果係工作上需要佢都會尊重嘅。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
