何雁詩爆蔡思貝胡鴻鈞去P分開坐
歌手何雁詩昨日大騷纖腰及長腿，到電台宣傳創作新歌《絕望時請點播》，開心地指新歌反應不俗。適逢年底結婚，她透露會推出結婚歌，當禮物送給未婚夫鄭俊弘（Fred），不過大頭蝦的她自爆日前飲大兩杯，將新歌率先曝光！
近排轉行性感的她，於社交平台上載「下身失蹤」辣照，她多次重申有着褲，但就自爆冇拉褲鏈：「錄完成集節目先知，即刻話畀Fred聽，點知佢話佢成日都係咁！」提到她日前孖Fred參加高層樂易玲生日Party，出席藝人關係七國咁亂，齊集多對新歡、舊愛，她笑謂冇留意：「見好多一Pair Pair坐。（蔡思貝同胡鴻鈞坐？）佢同我坐，Fred就同胡鴻鈞、羅天宇坐。（見到麥秋成？）見過一眼，其實事後如果唔寫出嚟，都唔知有咁多嘢寫過。」還抵死自認是「花生友」：「好後悔冇望多幾眼！」