美國女星安妮希芙威（Anne Hathaway）爆料指於《蝙蝠俠—夜神起義》（The Dark Knight Rises）與《星際啟示錄》（Interstellar）合作兩次的導演基斯杜化洛倫（Christopher Nolan），在片場有「禁櫈令」，避免台前幕後偷懶。
不過，基斯杜化透過發言人否認：「澄清番，片場唯一禁嘅係手機（唔係成日成功）同吸煙（好成功）。安妮所講嘅，係拍攝監視器旁邊嘅一堆導演櫈，係根據地位而配給，唔係實際需要。基斯杜化選擇唔用，但從來冇喺片場禁櫈，台前幕後有需要，可以隨便隨處坐，亦成日有咁做。」