能夠成為傳說同傳奇，呢個人一定相當了不起，亦肯定佢建立過唔少豐功偉績！咁唔知高橋希來呢位傳說級美少女又做過咩呢？其實唔使好偉大，只係展露一下鮮嫩誘人身材，相信亦已經可以成為一時佳話。
早前同大家介紹過一位出身於日本藝能界大型女團AKB48，現時已經轉型為寫真女優嘅「暴走族」平嶋夏海，其實有唔少寫真妹都同佢分屬師姐師妹，好似最近殺入寫真界嘅高橋希來就係其中之一喇！
今年19歲嘅高橋希來，青春嫩口又甜美，可愛嘅面孔上散發出強烈嘅少女稚氣，深深吸引住觀眾。而佢最近不再密實打扮，以性感水着Look示人，令觀眾大呼驚訝，原來佢嘅身材如此豐滿誘人，簡直係禾稈冚珍珠呀！雖然係有啲肥肥哋，但係唔會太過肉感，加上肌膚白嫩且具透明感，相信唔會有人感到抗拒，反而係愈睇愈鍾意添！
2014年只得13歲嘅高橋希來以AKB48成員身份出道，當時佢嘅藝名叫高橋希良，2017年從女團畢業後就以自由身發展，並改用現時名字。
所謂大樹好遮蔭，希來明明可以喺AKB48當中發展，點解會突然退出呢？有傳話佢同師姐平嶋夏海一樣被發現同男仔拍拖，違反團中嘅禁愛令。而希來表示退出嘅原因，係希望可以有更理想嘅發展，咁又係嘅，有番咁上下實力，又何必困住自己唔出去闖一闖呢！至於阿妹有幾多實力？甫投身寫真女優行列，就被封為「傳說級美少女」，美貌同身材都備受讚賞。另外，近期佢開始參演舞台劇，劇名叫做《我記得在春天，你在夏天很遠》，而佢將會有更多舞台演出，睇嚟佢希望喺舞台界突圍殺出一條血路。
高橋希來係愛貓之人，好鍾意喺社交網上載自己隻愛貓嘅照片，如果閣下都同阿妹一樣咁鍾意貓貓，就要Click上去睇睇喇！
網址：https://twitter.com/kira_takahashi_
年齡：19歲
身高：5呎1吋
三圍：37E-24-35
撰文：賢