洪永城打出星味同洪金寶有親？

藝人洪永城（Tony）、鄧佩儀（Gloria）及羅仲謙於無綫新劇《陀槍師姐2020》上演「三角戀」。日前三人齊集火炭，「封路」拍攝一場重頭戲，劇情交代Tony與Gloria拍拖食糖水，途中遇襲，他以一敵四「英雄救美」！Tony到場才跟武指排戲，但打起來卻有板有眼，他搞gag說：「其實我阿叔係洪金寶！」拍攝時，他要拿起垃圾桶掃敵人，原本安排了道具，但他攞起了街邊的真垃圾桶，幸工作人員及時喝止，並為他消毒雙手。

由於疫情關係，劇組將所有追逐、動作及飛車場面延到最後才拍攝，難怪煞科前一眾演員的體力才「見真章」。Tony說：「呢排一有時間就拉筋同跑步，隨時做好拍打戲嘅準備，同埋飲多啲能量飲品，休息多啲。（打戲難唔到你？）好在自己打得唔錯，同埋勝在記性好。」

鄧佩儀喊戲最「痛」

至於鄧佩儀就有不少喊戲，經常拍這類場口的她可謂駕輕就熟：「今次有爆喊同微微咁喊，爆喊戲都幾痛，因為係親情嘢。」在旁的Tony則表示最不喜歡拍喊戲：「始終男人冇女人喊得咁靚，我寧願拍打戲。」

當晚，羅仲謙亦有一場英雄救美戲顯身手，車頂更會被劏開，相當驚險。他表示拍打戲仍頂得住，但不會逞強，最緊要讓屋企人安心。