黃嘉樂儲彈藥結婚催都冇用
藝人黃嘉樂在熱播劇《那些我愛過的人》飾演重要角色，牽涉當年意外的真相，機緣巧合下遇到黃翠如並對她心動。他透露角色有焦慮症：「要睇精神科醫生，但唔係好刻意描述有呢個病，唔會喺人前Show出嚟。」談到難忘的一幕，他表示有場戲見到昏迷妹妹王卓淇時激動到喊，笑言埋位前才知劇本，幸好經驗搭夠。
「大男人」孭起頭家
問到可試過情緒出現問題？他想了一會說：「比較少，除咗爸爸過身嗰段時間比較低落，但可能我係樂天嘅人馬座，好快Pick Up番情緒。」平日他會靠運動抒發情緒，亦會拉埋攝影師女友Samantha一齊行山做運動。二人感情穩定，問何時拉埋天窗？41歲的他說：「可能我比較大男人，覺得作為男人要養得起一頭家，所以有穩定經濟基礎先結婚。」他笑言女友和家人都沒催婚，反而是身邊朋友經常催促：「真係要努力工作，擺酒好貴o架嘛！（幾年內結婚？）盡快啦！有能力就去做呢樣嘢，但唔好催！」
提到「鐵馬家族」個個都有另一半，唯獨唐詩詠未有着落，嘉樂表示不擔心：「適當時候，真命天子就會出現，好似二佬（馬國明）咁，適當時候就會緣分到。」問有否介紹男生？他笑說：「有啲壓力，我唔做呢啲嘢。（驚詩詠唔鍾意？）係呀！同埋佢唔需要啦！話晒阿妹都係靚女，佢想有嗰時，自然身邊就會出現！」