同劇劉穎鏇：大家幫佢搵！
對於莊思明拍劇期間失竊，同劇的劉穎鏇及林子善昨日現身電視城開工時也大感驚訝，事發時與思明一同拍外景的劉穎鏇說：「大家知道都瘋狂幫佢搵，知有卡、證件同車匙喺袋，唔知嗰個人已經被捕。我平時會帶篋返工，會lock住，亦會拉埋去現場傍身。當時Lisa拍一場，帶手袋好合理，不過真係要小心，私人物品唔可以周圍擺，聽同事講好耐冇發生呢啲事件，依家最重要Lisa攞得番佢嘅嘢。」
子善則擔心外景車司機被責怪：「其實呢啲嘢防不勝防，完全唔關思明事，責任唔喺佢度。」更指平日銀包跟身，絕不會攜帶過量現金，大多利用八達通及手機程式付款。