歌手譚嘉荃（Amy）近日與朋友在街上派口罩及抗疫物資給長者，她透露出錢出力，除幫手做義工外，更捐贈搓手液：「依家經濟差，所以除咗派口罩，我哋仲有派米同日用品，我亦有捐搓手液。雖然疫情緩和，但長者其實都冇咩多餘錢買。」
外表嬌滴滴的Amy，被好友封為「大力荃」，她笑言：「因為每次義工人數唔同，有時未必夠人幫手搬嘢，好多人見我係女仔叫我唔使搬，但我話冇所謂，所以個個都話睇唔出我咁大力，封我個名做大力荃。」
