蔡國威睇好感情憂韓君婷生計

藝人蔡國威、葉家寶及劉錫賢前晚到深水埗派飯盒行善，剛拍畢無綫新劇《一笑渡凡間》的蔡國威，自言常做義工：「做得多善事，人都靚仔啲！」又指同居密友韓君婷忙於醫學美容工作而未能同行，坦言擔心對方受疫情影響生計，問可會養起她？揚言兩人關係愈來愈好的他說：「我哋財政獨立，係好好好好嘅朋友，十幾廿個『好』，每講一次都加多幾個『好』，哈哈！」身為「六合彩之子」的他，預告六合彩有機會於7月中回歸，指暫停四個多月，相信市民「等到頸都長」。