馬國明湯洛雯 恨出遊培情
視帝馬國明昨日為無綫劇集《BB大晒》開工，大受歡迎的他不時向街坊揮手，心情靚爆。對於公開與湯洛雯（靚湯）的戀情後得到全城祝福，他笑言沒想過大家反應如此大。提到女友冧數他五大優點，他甜笑全單接收：「哈！多謝佢！（拍拖兩個月已經被撞破？）我哋喺公司成日食飯，好隨緣，愈避忌愈辛苦，影到就公開，估唔到咁多人祝福，多謝大家。（連靚湯父母都激讚你！）多謝佢哋。」
寄語偷食男女新開始
提到舊愛黃心穎當日背他搭上人夫許志安，男方事後一直停工，昨晚終復工錄影，馬國明大方送祝福：「希望佢冇事，件事過咗咁耐，大家都要向前看。（原諒佢？）從來冇嬲，心穎都冇嬲，件事發生後好快就冇嬲，無謂摷番出嚟講啦。希望安仔復出可以有個新開始，心穎都有個新開始，我唔知佢依家點，希望佢都搵到另一半，事業上再做番好啲。」
至於靚湯昨日出席無綫新劇拜神，全程被同劇演員取笑拍拖，令她面紅紅，對於馬國明的新劇同樣即將煞科，她說：「依家又冇得去旅行，睇吓到時點啦，或者行街食飯。（好似話林子善同唐詩詠等都唔知你哋拍拖，有啲唔開心！）我哋冇諗住同人講，想等穩定啲先，況且呢排開緊工，我連岑杏賢都一樣冇講。（遲啲請食飯氹番佢哋？）咁要睇佢（馬國明）點安排，佢邀請會出席。」