新一集占士邦電影《007：生死有時》（No Time To Die）因疫情而押後至11月上映，今集占士邦除了被爆將與法國女星賽多克斯（Lea Seydoux）飾演的角色Madeleine Swann結婚外，近日更有傳會破天荒首次做老竇，片中會有個5歲女兒Mathilde！
上星期有電影攝製日程表被拍賣，當中顯示一個場口介紹，提及Madeleine與由童星Lisa-Dorah Sonne飾演的Mathilde有對手戲。消息傳出後，劇組證實傳聞是真：「丹尼爾想將呢套邦片成為史上最令人意外同富娛樂性嘅一部。丹尼爾依家老咗，由佢飾演嘅占士邦亦成熟咗，將個角色升呢父親，喺戲劇同故事發展方面開闢咗全新世界。」