尹詩沛抑鬱復發 男友忍住撐
無綫訓練班出身的尹詩沛入行10年，早前在劇集《十八年後的終極告白》飾演「豬肉婆」一角，除了丈夫被殺，懷孕的她亦遭毒手，角色相當悲慘，當中殮房哭崩一幕認屍戲更被大讚演技！
原來她入學初期曾因家人癌症離世而患抑鬱，《十》劇中的沉重角色，險令她舊病復發，她說：「拍嗰陣感覺到情緒病好似返番嚟，做乜都提唔起勁，每日起身唔知為乜，處於一個唔好嘅精神狀態。好彩有兩個曾經患抑鬱症嘅朋友陪伴我，陪我走番出嚟。」
演戲搵存在感
尹詩沛笑指當時男友最受罪，經常硬食她的脾氣：「佢知我精神狀態好差，佢都忍受得好辛苦，發覺到有人陪伴、關心，所以的起心肝走番出嚟。」談及「豬肉婆」一角獲讚賞，她特別多謝男友：「男友一直幫我排戲，雖然佢演技好流，但對住咁流嘅對手都入到戲，去到拍攝現場就容易克服。」今次演出受注目後，她希望將來有更多好角色：「我好享受做戲，反而唔識表現自己，冇劇本個人反而有啲迷失，唔知尹詩沛係點，演戲嘅時候先感受到存在感。」