藝人鄺文珣昨日擔任黃芳雯主持的香港開電視節目《30分鐘大放餸》嘉賓，她自認平日甚少下廚：「不過家人好支持我煮，尤其係老公，聽到小朋友有微言，佢就會話好食，因為佢想鼓勵我多啲下廚。」
談及兩名囝囝復課，她笑言囝囝都很期待：「我預備咗5個口罩更換，搓手液就掛褲頭，方便隨時用。」最近她忙於籌備網上頻道分享育兒心得，問會否讓子女出鏡，她說：「冇諗，但我想老公出鏡，佢唔係好願意，我會諗方法逼佢！」
