林秀怡疫市開舖再做老闆娘
藝人林秀怡繼三年前膽粗粗跟朋友合資開日式西餐廳後，昨日她於社交平台晒線兼宣布再做老闆娘！她受訪時興奮透露七月於銅鑼灣開設美容院，希望杜絕層壓式推銷︰「好唔鍾意坊間美容院嗰種狂Sell嘢嘅手法，去親做美容都提心吊膽，做過一次覺得好就自然會買。（做埋生招牌？）會影輯靚相，遲啲都可能會成日上去做Facial。」
問到是否西餐廳有賺而有「彈藥」再做生意？她表示今次同樣跟朋友拍住上︰「同兩位朋友，每人投資6位數字，啲資金純粹係自己投資番嚟，再儲吓錢。餐廳方面暫時未有盈利，加上疫情之下生意額都跌咗一半，不過唔使蝕就已經好好。」又坦言逆市開舖有一定壓力，但相信疫情會好快過，到時會一切回復正常︰「就算唔係疫情，本身開美容院嘅首要條件係要乾淨，依家會再加強消毒工作。」