藝人黃智雯早前社交網追蹤人數突破70萬，為答謝粉絲支持，她舉行投票活動，在三位好友胡鴻鈞、馬國明及何遠東之中，挑選一位與她熱舞，結果胡鴻鈞跑出！兩人前日終於「找數」，為劇集《降魔的2.0》插曲《凡人不懂愛》編上現代舞，將片段放上網，跳得十分合拍，胡鴻鈞舞技更令人眼前一亮，獲網友大讚有驚喜，他將片段放於其社交平台，一日已有逾14萬點擊！
胡鴻鈞被問到網民大讚跳得，還獲封為「舞王鈞」，他坦言與智雯只綵排了三日，每日只得個半鐘：「初時我都有啲擔心，因為我唔係跳開舞，今次順應民意一試，我已經盡咗力(口架)喇！好在智雯本身有跳舞底，同埋排舞老師都好用心咁教我，我諗跳出嚟都唔太失禮嘅！」