安德尊 否認結咗婚

藝人安德尊前晚到電台接受倪詩蓓的節目訪問，笑言要對方爆料︰「入行嗰時見佢同哥哥（張國榮）拍拖，想問吓佢如果嗰陣結婚，到依家會有咩唔同呢？（咁你又爆咩？戀情？）冇啦！（話你結咗婚？）係就好，有冇介紹？（話你拍拖？）啲人話啫！」他坦言已經過了拍拖、結婚的適合年齡︰「我哋好難，由朝做到晚，反而依家個人輕鬆晒，唔去爭名奪利，最緊要開心。」問到一直單身會否被誤以為是同性戀？他大笑並說︰「由得佢哋！笑罵由人。」又謂做人最緊要保持開心情緒，現時雖然少了工作，但不用接受演藝人協會的資助：「留番畀業界更有需要嘅人，會長（古天樂）有咁嘅安排相當唔錯。」