現今女性要展露美態，已經唔再受到年齡嘅限制，好多年過三、四十歲嘅女性一樣好靚好吸引，甚至生完BB之後仲係咁索！好似32歲嘅本假屋唯香，不但魅力迷人，身材仲弗到漏，絕對唔會比後生女遜色o架！
不得不佩服現年38歲嘅日本寫真女王熊田曜子，無他嘅，好多同曜子年齡相若嘅女性都已經變得又老又殘，而且大家唔好忘記，曜子已經生咗三個囡囡添！正常嚟講都會變成肥師奶，但係曜子卻依然明艷照人，一副胴體仲比以前更弗同激凸添！唔佩服佢仲可以佩服邊個呢？原來除咗佢，仲有本假屋唯香。
唯香嘅樣貌如琬似花，氣質非凡，秀而不媚，一副出塵脫俗嘅溫文韻味可以話相當少見，真係點睇都唔似32歲。至於身材方面，一來生得高挑，二來肌膚白滑，三來好多人都大讚佢身材唔會有過分突出嘅地方，睇落自然順眼但亦不失養眼，真係睇極都睇唔厭呀！
既然唯香有副咁好嘅身材，就梗係唔會收收埋埋，不時拍攝寫真集展露美妙身材畀大家欣賞，早前佢就推出咗第5本個人寫真集《CANTIK》。喺訪問中，唯香就話呢本寫真集絕對係出道以來嘅最高傑作，原因係有部分寫真照由佢親自操刀，仲有就係成功谷胸！佢解釋話喺拍攝之前因為努力收身，擔心個胸會縮水，好彩正式拍攝時佢輕輕一夾，就夾出深溝且顯得堅挺飽滿，令寫真照更為誘人。
除咗拍寫真之外，唯香仲係演員及主持，佢曾經做過童星，現時係電視台嘅寵兒，近期演出唔少劇集，喺《再雇用警察官》仲擔住女主角添！
如果大家想知道本假屋唯香近期有咩演出，可以Click入佢嘅社交網，因為唯香經常會同大家分享工作情報。
網址：https://twitter.com/officemotokari?lang=ja
年齡：32歲
身高：5呎5吋
三圍：33B-23-34
撰文：賢