鄧伊婷 何泳芍解禁「胸襲」網軍

天后容祖兒、苗僑偉、黃宗澤及吳卓羲等，昨晚落力演出《萬眾同心公益金》。今年節目分為直播版及網上版，一眾《3日2夜》女神包括何泳芍、彭慧中、曾淑雅及鄧伊婷等，先在Ben Sir（歐陽偉豪）帶領下在網上直播做平板撐，她們輪流烏身示範，向網民大派眼睛冰淇淋，當中以鄧伊婷最為搶鏡，主持黃庭鋒不禁笑說：「漏晒啲嘢出嚟啦……漏汗啫！」拍檔馮盈盈則問Ben Sir：「點解有『下體』，但冇『上體』嘅？」笑聲不絕。

馮盈盈聞「鋒」示愛

一班女神之後再出場，「瞓身演出」做普拉提運動，期間在瑜伽墊用雙腿夾波，但又跌波趷籮，網民踴躍捐錢，雖然捐款以數十元居多，但亦集腋成裘！主持森美一度「講錯嘢」，但自行補鑊：「你哋（網民）捐錢想鏡頭睇咩部位，我哋就Zoom埋去畀你睇……不過只可以睇人，唔可以睇部位！」

何泳芍做平板撐，似乎有啲論盡！	擔任司儀的何依婷稍露線頭，好養眼！	馮盈盈炮製炒飯，搵薛家燕試手藝。

至於炮製韓式炒飯的馮盈盈衣着密實，黃庭鋒直指她性感欠奉，她即死撐：「我會愈煮愈性感愈Hot，因為夠辣！」黃庭鋒在旁幫忙拌勻白飯及泡菜，卻被寸與「廚神」謝霆鋒差太遠，而盈盈聞「鋒」即借題發揮：「我對『峰』字嘅人有好感。」似隔空向緋聞男友鄭衍峰傳情！

黎瑞恩	容祖兒玩分身術，同自己Jam歌。	黎諾懿晒廚藝！

此外，黎瑞恩獻聲助陣，黎諾懿及蕭正楠則煮兩味做暖男廚神！