憑校園喜劇《叻女掌門人》走紅嘅荷里活女星雅麗茜亞蕭華史東嘅湊仔方法向來都受到質疑，佢曾經自爆用佢咬爛咗嘅食物餵仔之外，亦噏得就噏提議如果奶水唔足嘅媽媽，可以搵其他媽媽提供人奶畀仔女醫肚。近日佢又自爆仍然會同9歲囝囝一齊沖涼！雖然佢嘅言論成日畀人鬧，但佢似乎唔介意，亦為自己係敢言嘅人而驕傲。