黎耀祥做殺手打到膝頭變豬蹄
藝人黎耀祥（祥仔）、海俊傑、曹永廉及韋綺姍，前晚為慈善節目綵排唱歌環節。講到主演的新劇《殺手》將於本月播出，祥仔表示期待：「呢套真係打得最多、操得最甘，特別辛苦係由夏天打到冬天，記得嗰陣彎低綁鞋帶，啲汗係好似水喉咁滴落地。」
身旁的海俊傑即向祥仔「挑機」，自言正拍攝新劇《陀槍師姐2020》，拍攝MMA打鬥戲份時不慎被打爆左眼角：「依家隻眼就好番，不過隻手有瘀又傷到氣門，啲（氣門）軟組織凸咗出嚟，要搵醫師推番入去，好痛！不過出到嚟靚就值得。」祥仔聞言抵死說：「諗極都唔明點解需要我哋呢啲年紀嘅演員去做！唔係後生嘅專利嚟咩？我哋做教練咪得！我個膝頭都拍到腫晒，要針灸。」