歌手梁釗峰昨日到電台宣傳新歌《佚名》，內容有關「下靶男友」在網上化名數臭女友。問到拍拖時遇過女友最無理取鬧的事，他笑說：「拍拖唔會覺得唔合理，我會遷就對方。（造就佢嘅公主病？）開頭係！之後做番自己，佢就會覺得我變咗，最深刻係喺街等咗女友三個幾鐘！人生係要試吓，之後就唔會再做。」至於有否試過在網上化名寫文發洩或幫自己宣傳？他說：「我冇，唔需要呢個出口，但以前都開過私人社交帳號，但後尾愈加愈多人。（喺網上平台少講嘢？）唔係刻意，向來係咁，我只係畀Like。」
