麥包搞網騷 「拍膊頭」搵嘉賓

藝人麥長青（麥包）最近與網上平台合作開Live Show，前晚邀得好友阮兆祥及敖嘉年任嘉賓，唱歌外還與網民互動交流。麥包透露已舉行第三場，反應尚算不錯，點擊率達數萬：「個騷個半鐘，我都係唱一首歌，其餘時間就同嘉賓傾偈。（酬勞好好？）依家唔係正式，如果繼續反應咁好，會傾長期合作。（碌盡友情卡？）趁疫情有時間大家聚吓，都係『拍膊頭』。（Show入面做埋直銷？）乜都有可能，都諗過將啲產品集中一齊再做，托賴呢段時間搵到條出路。」