呂頌賢遊車河撇甩老婆
藝人呂頌賢昨日出席慈善活動，透露將與香港開電視合作拍攝旅遊及介紹電單車的節目，問到太太麥景婷是否准他揸電單車？他嘆了一口氣後笑說：「准嘅，佢都有牌，但當年跌倒後就有陰影。佢唔反對我揸車，只係見到我買新車會問點解冇後座，想一齊遊車河。」
他坦言疫情影響大，其內地工作全部叫停，未知何時復工，損失慘重。提到亞視最終都要熄機，曾是亞視當家小生的他坦言：「由我細個開始到唔做嗰日，亞視幾時有好過？始終根基唔同無綫咁實，唔適合生存就自然要被淘汰。當然懷念嘅，但未至於可惜。」同場的黃芳雯透露將開拍新節目，會與周志文主持，想不到有機會與其他台的藝人合作。