譚嘉儀處女車震 高海寧撞破睇到High

譚嘉儀着短裙襯魚網絲襪，引到戴耀明飛擒大咬！

高海寧（高Ling）、譚嘉儀及戴耀明，日前在西貢拍攝無綫新劇《七公主》，劇情交代穿露膊衫襯短裙的嘉儀，與赤膊兼滿面唇印的戴耀明「車震」，期間被高Ling撞破，戴耀明叫到拆天，場面搞笑！嘉儀笑言天氣炎熱，拍到滿身大汗，又自爆向戴耀明獻上「第一次」：「我未拍過親熱戲，今次拍嗰陣都有啲尷尬，日常生活更冇試過（車震），所以唔識演，唔知啲位要點，都係嚟到等大家教我。」

戴耀明約飯局食檸檬

戴耀明自爆恨「嗒」嘉儀很久，更被她踢爆：「之前合作過《殺手》，不過冇對手戲，有次劇集打邊爐，佢係都要坐我隔籬！」戴耀明笑說：「監製見到咁就成全我，開呢場戲畀我！」又笑言之後想約拍檔食飯，嘉儀即搞笑地秒速「落閘」：「唔好意思，通常我應該唔會出現（口架）啦，我唔係好得閒！」他們透露劇中關係複雜，曾大打一場，嘉儀笑說：「我仲唔小心整傷咗佢，爆樽搞到佢流血，又揮拳打到佢！」

慾火焚身，譚嘉儀大玩女上男下！

高Ling剪咗短髮，當堂Man晒。

剪短髮試煉姻緣

至於高Ling笑言是第一次撞破別人「車震」，所以有點興奮。問到劇中是否有親熱戲？她說：「暫時未見，不過會面對好多祼男，好多眼福，例如有陸永。（你哋係一對？）我有幾條感情線，唔好睇我咁Man，其實套劇最多感情線係我！」一頭短髮的她笑指新髮型有助入戲，舉止變得豪邁：「細佬話好似多咗個阿哥咁，因為我連講嘢把聲都特登壓低咗。（唔怕阻住姻緣？）唔急嘅，之前我見鄧佩儀講過短髮冇人追，長髮先有人追，想睇吓係唔係。（依家有冇人追？）剪咗唔係好耐啫，可以觀察吓先。」