藝人張紋嘉（Crystal）再為香港開電視主持新節目《茶餐廳龍虎榜》，深入茶記的廚房探秘，更首度嘗試整菠蘿油。日前她受訪時透露：「好開心喺疫情下，電視台仲搵我做嘢，我事前都問過電視台擔唔擔心我唔叻煮嘢食，好在佢哋搵咗個好叻煮嘢食嘅人輔助我，同埋我都會請嘉賓，唔係得我一個人做節目，感覺安心啲。」
Crystal又指今次最大收穫是認識了茶餐廳的師傅，發現茶餐廳與家用的烹調法及器材原來好大分別，大開眼界。問到廚藝如何？她自言是「無味廚師」：「我都試過整嘢食畀男友，佢嘅評語係：『冇味嘅，點解咁怪？』所以佢嚟我屋企時，多數都係佢煮。」雖然自知沒天分，但都將勤補拙練習整「懶人餐」簡單菜式，不過有時其材料配搭就被評為「九唔搭八」！