被盈盈屈做「媒人」 江嘉敏踢爆：使乜我介紹
甩拖後聲稱單身的前港姐冠軍馮盈盈被本報踢爆暗撻賭王何鴻燊四房公子何猷亨，猷亨親帶盈盈上億元遊艇開P蜜會，盈盈昨日親自解畫，指與猷亨是江嘉敏介紹才認識：「我要澄清我們絕對不是發展中，只是純粹朋友關係，嗰日先第一次見，大家不要想多。（你眼中得猷亨？）我望都冇望過佢，只係角度問題，大家猜錯喇。」
被指是「媒人」的江嘉敏呼冤：「我冇做媒人！」更暗寸盈盈講大話，爆料她們與猷亨早已食過飯：「除咗我同盈盈，其他都係圈外人，有六、七個人，唔係speed dating，我真係冇介紹過任何人畀盈盈識，佢咁多人追，使乜我介紹！」問點解盈盈要「屈」她？她說：「咁真係要問佢哋喇，我連相都冇收到吖。」